ئەمڕۆ یەكەم رۆژی دەستپێكردنی تاقیكردنەوەی  كۆتایی وەرزی دووەمی پۆلە ناكۆتاكان  لە هەرێمی كوردستان دەستیپێكرد، بڕیارە 10 رۆژ بخایەنێت و  تا 20ی ئەم مانگە بەردەوام بێت ، لەو بارەیەوە مامۆستا بەناز رەمەزان بەڕێوەبەری پەروەردەی رۆژئاوای سلێمانی بەگەلی كوردستان رایگەیاند ،  سەرجەم ئامادەكارییەكان تەواو كراون بۆ بەرێوەچوونی تاقیكردنەوەكانی قۆناغە ناكۆتاكان و ئەمرۆ یەكەم تاقیكردنەوە بە سەركەوتووی بەڕێوەچووە، بە وتەی مامۆستا بەناز ،لەسنووری پەروەردەی رۆژئاوا نزیكەی 159 هەزار خوێندكار هەن كە بەشداری تاقیكردنەوەكان دەكەن.