لەسەر بانگهێشتی هاوپەیمانی نیشتمانی‌و لە بارەگای ئەو حزبە لە سلێمانی هەشت حیزب و لایەنی سیاسی كوردستانیی كۆبوونەوە‌و پێكهێنانی حكومەتی نوێی هەرێم و كاراكردنەوەی پەرلەمانی كوردستانیان تاوتوێ كرد.
لە كۆبونەوەكەدا، هەریەكە لە یەكێتی نیشتمانی كوردستان، یەكگرتووی ئیسلامی كوردستان، بزوتنەوەی چاكسازی نیشتمانی، حزبی زەحمەتكێشانی كوردستان، حزبی ڕزگاری كوردستان، پارتی نەتەوەی كوردستان، پارتی سەوزی كوردستان و بزوتنەوەی ئاشتیخوازان ئامادەی بوون، پرسی پێكهێنانی حكومەتی نوێی هەرێم و كاراكردنەوەی پەرلەمانی كوردستان و رێكخستنەوەی ناوماڵی كورد، تەوەری سەرەكی كۆبوونەوەكە بوو