لە کۆبوونەوەکەدا هەڵسەنگاندن بۆ دوایین گۆڕانکارییە سیاسییەکانی عیراق و ناوچەکە کرا و دووپات لە هەماهەنگی و هاریکاریی نێوان لایەنە سیاسییەکان بۆ تێپەڕاندنی ئاڵنگارییەکان کرایەوە.
تەواوکردنی رێکارە دەستوورییەکان و پێکهێنانی حکومەتی نوێی عیراق تەوەرێکی دیکەی کۆبوونەوەکە بوو، کە تێیدا سەرۆک بافڵ جەختی لە ئامادەیی یەکێتی بۆ هەڵبژاردنی سەرۆککۆمار و پێکهێنانی حکومەتێکی بەهێز و خزمەتگوزار بۆ خزمەتکردنی خەڵکە خۆشەویستەکەمان کردەوە.