دەزگای ئاسایشی هەرێم لە ڕاگەیەندراوێکدا دەستگیرکردنی باندێکی بازرگانی چەک و تەقەمەنی ڕادەگەیەنێت.

لە ڕاگەیەندراوەکەدا هاتووە، بەڕێوەبەرایەتی ئاسایشی شارەزوور، دوای کۆکردنەوەی زانیاری لەسەر باندێکی بازرگانی چەک و تەقەمەنی، بەدواداچوون و چاودێری وردیان ئەنجامدا و توانرا لەڕۆژی ٢٠٢٦/٢/١٦ لەشارەدێی تەوێڵە ٣  بازرگانی چەک دەستگیربکەن و دەستبگرن بەسەر  ٥٠ چەکی جۆری دەمانچە.

ئاماژە بۆ ئەوەشکراوە، تۆمەتباران بەماددەی ١٣ لەیاسای چەک، ڕاگیراون و لێکۆڵینەوە لەدۆسییەکانیان بەردەوامە.