.
10:01 AM - 10/01/2026
بەڕێوەبەرایەتی خۆسەری باكوور و رۆژهەڵاتی سوریا رایگەیاند، لەپێناو پاراستنی گیانی هاووڵاتیان، پێشوازی لەو پێشنیازە دەكەن لەلایەن نێوەندگیرە نێودەوڵەتییەكانەوە كراوە بۆ گواستنەوەی هێزەكانیان لە گەڕەكی شێخ مەقسودەوە بۆ رۆژهەڵاتی فورات.
لە راگەیەندراوێكدا بەڕێوەبەرایەتی خۆسەر ئاماژەی بەوەكردووە، پاراستنی هاووڵاتیان لە هەردوو گەڕەكی شێخ مەقسود و ئەشرەفییە لە ئەولەویەتی كارەكانیانە، بۆیە بە ئەرێنی وەڵامی دەستپێشخەرییە نێودەوڵەتییەكەیان داوەتەوە بۆ گواستنەوەی هێزەكان بە شێوەیەكی ئارام.
مەرجەكانی جێبەجێكردنی ئەو پرۆسەیە، پابەندبوونە بە رێككەوتنی 1ی نیسان، دەبێت گەرەنتی مانەوەی هێزێكی پاراستنی كوردی ناوخۆییو ئەنجومەنێكی خۆجێیی بۆ دانیشتوانی ئەو دوو گەڕەكە بكرێت.
لە تۆڕە کۆمەڵایەتیەکان شەیری بکە
