.
10:37 PM - 30/11/2025
محەمەد شیاع سودانی سەرۆك وەزیرانی كاربەڕێكەری عیراق و تۆم باراك نێردەی تایبەتی دۆناڵد ترەمپ سەرۆكی ئەمریكا بۆ كاروباری سوریا، كۆبوونەوە.
بەپێی راگەیەندراوی نوسینگەی سەرۆك وەزیرانی عیراق لە میانی دیدارەكەدا هەردوولا باسیان لە چۆنێتی ئەو پرۆسەیە كردووە كە عیراق لە رێگەیەوە بتوانێت بەردەوام بێت لە پاڵپشتیكردنی سەقامگیری و ئاسایش و خۆشگوزەرانی و بوژانەوەی ئابووری سوریا، بەشێوەیەك كە لە هەمان كاتدا سەقامگیری و خۆشگوزەرانی عیراق بەهێزتر بكات.
بەپێی راگەیەندراوەكە، هەر لە دیدارەكەدا ئاڵوگۆڕی بیروڕا كرا لەبارەی رێگریكردن لە هەر پەرەسەندنێكی زیاتر لە ناوچەكە لەگەڵ پاڵپشتیكردنی رێڕەوی دیپلۆماسی بۆ چارەسەركردنی ناكۆكییەكان و دانانی ناوچەكە لەسەر رێگای هاوكاری و گەشەی ئابووری و سەقامگیری درێژخایەن.
لایخۆشیەوە، تۆم باراك تەئكیدی لەو رۆڵە بنیاتنەر و گرنگە كردەوە كە عیراق دەتوانێت بیگێڕێت بۆ گەیشتن بە ئامانجە هاوبەشەكان.
لە تۆڕە کۆمەڵایەتیەکان شەیری بکە
