.
07:44 PM - 11/09/2025
عەلی نزار بەڕێوەبەری گشتیی كۆمپانیای بەبازاڕكردنی نەوتی عیراق - سۆمۆ لە لێدوانێكی ڕۆژنامەوانیدا رایگەیاند، گفتوگۆ و ڕێككەوتنێكی سەرەتایی لەنێوان عیراق و سوڵتانشینی عومان هەیە، لەسەر درێژكردنەوەی بۆری نەوتی خاو و بەبازاڕكردنی ئەو نەوتە لە بازاڕە جیهانییەكان.
ئەوەشی خستەڕوو، قۆناغی یەكەمی ڕێككەوتنەكە دیاریكراوە بۆ دروستكردنی كۆگای نەوت بە توانای 10 ملیۆن بەرمیل لە بەندەری دوقوم-ی عومان كە دەتوانرێت لە ساڵانی داهاتوودا توانای عەمباركردنی نەوت زیادبكرێت.
عەلی نزار راشیگەیاند، دوای تەواوبوونی دروستكردنی تانكی كۆگاكان، قۆناغی دووەمی گواستنەوەی نەوتی خاوی عیراق بە تانكەر دەستپێدەكەین تاوەكو بۆرییەكە لە عیراقەوە بۆ عومان تەواو دەبێت.
لە تۆڕە کۆمەڵایەتیەکان شەیری بکە
