.
05:44 PM - 26/10/2020
سندوقی دراوی نێودەوڵەتی پێشبینی دەكات عیراق بەرێژەی سەدا 22 رووبەروی كورتهێنانی بودجە لەكۆ بەرهەمی ناوخۆیدا ببێتەوە.
لەوبارەیەشەوە دامەزراوەی سندوقی دراوی نێودەوڵەتی لە راپۆرتێكی خۆیدا ئەوەی خستۆتەروو: كە بەهۆی گرفتە داراییەكان و بڵاوبونەوەی پەتای كۆرۆناو كاریگەریەكانیەوە, پێشبینی دەكەن عیراق لە كۆبەرهەمی ناوخۆیدا بەرێژەی سەدا 22 رووبەرووی كورتهێنانی بودجە ببێتەوە كە ئەو رێژەیەش لەسەر ئاستی وڵاتانی خۆرهەڵاتی ناوەراست و باكوری ئەفریكا بە بەرزترین ئاست دادەنرێت.
هەروەك دامەزراوەكە لە راپۆرتێكی پێشتریدا ئەوەی خستبووەروو كە بەهۆی بەردەوامی قەیرانی دارایی و ئابوری و چارەسەرنەكردنیانەوە بەشە داهاتی ساڵانەی تاكی عیراقی لە كۆ بەرهەمی ناوخۆیی و گشتی بگاتە 4 هەزارو 282 دۆلار كەئەو بڕەش لەپاش ساڵی 2006وە بە نزمترین ئاست دادەنرێت.
لە تۆڕە کۆمەڵایەتیەکان شەیری بکە