جارێكی تر بەهۆی ترسی هەڵوەشاندنەوەی رێككەوتنی ئێران و ئەمریكا و   مەترسییەكان لەسەر دابینكردنی نەوتی رۆژهەڵاتی ناوەڕاست ، نرخی نەوت نزیكەی سەدا دوو  بەرزبووەوە.

دوای ئەوەی سوپای ئەمریكا هێرشی ئاسمانیی كردە سەر ئێران و دووبارە سزای بەسەر فرۆشتنی نەوتی خاوی ئێران دا سەپاند. هێرشەكان ترسی ئەوەیان دروستكرد ئاگربەستی نێوان هەردوو وڵات  هەڵبوەشێتەوە و دابینكردنی نەوتی رۆژهەڵاتی ناوەڕاست دووبارە پەكی بكەوێت.

ئێستا لە بازارەكانی جیهان،نرخی نەوتی برێنت  نزیكەی سەدا دوو بەرزبووەوە و گەیشتە 75دۆلار و 45 سەنت . نرخی نەوتی سووكی تەكساسی ئەمریكاش بە بڕی  گەیشتە 71دۆلار و 81 سەنت.

ئەمەش لە كاتێكدایە ،نرخی نەوتی برێنت و سوكی تەكساس رۆژی سێشەممەش نزیكەی 3% بەرزبوونەوە، دوای ئەوەی ئەمریكا مۆڵەتی گشتیی رێگەپێدان بە فرۆشتنی نەوتی ئێرانی هەڵوەشاندەوە.

ئەمشە لە كاتێكدایە ئێران  بەردەوام تەئكید لە كۆنترۆڵكردنی گەرووی هورمز دەكاتەوە و فەرمانی بە كەشتییەكان كردووە رێڕەوی نزیك كەناراوەكانی ئەو بەكاربهێنن، لە كاتێكدا ئەمریكا پێداگری دەكات كە دەبێت رێڕەوەكە وەك پێش جەنگ بە كراوەیی بمێنێتەوە.