وەزارەتی دارایی و ئابووریی حکومەتی هەرێمی کوردستان بڕیار دەدات بڕی 120 ملیار دینار وەک داهاتی نانەوتیی مانگی شوبات رادەستی حکومەتی فیدراڵ بکات.

لە راگەیەندراوێکی رەسمیدا کە ئەمڕۆ 3ـی ئازاری 2026 بڵاوکراوەتەوە، وەزارەتی دارایی و ئابووریی هەرێم ئاشکرایکردووە ،کە سبەی چوارشەممە 4ـی ئازار، بڕی 120 ملیار دینار دەخرێتە سەر هەژماری بانکیی وەزارەتی دارایی عیراق.

ئەم بڕە پارەیە کە وەک داهاتی نانەوتیی هەرێم بۆ مانگی شوبات دیاریکراوە، بە شێوەی کاش دەخرێتە سەر هەژمارەکە لە لقی هەولێری بانکی ناوەندیی عیراق.