.
12:32 PM - 22/03/2019
بەرپرسانی یانەی پاریس سان جێرمانی فەڕەنسی هەوڵەكانیان بۆ كڕینی دۆگڵاس كۆستای یاریزانی هێڵی ناوەراستی یانەی یۆڤانتۆسی ئیتاڵی بەردەوامە و لە پلانی ئەوەشدان هاوینی داهاتوو یاریزانە بەرازیلیە ببەنە ریزەكانیانەوە رۆژنامەكانی فەڕەنسا ئاشكرایان كردووە : لە ماوەی چەند رۆژی رابردوودا بەرپرسانی یانەی پی ئێس جی لەگەڵ بەڕێوەبەری كارەكانی ئەو یاریزانە كۆبوونەتەوە ئەویش لە پێناو ئەوەی بتوانن لە هاوینی داهاتوودا گرێبەستێك لەگەڵ كۆستا ئیمزا بكەن و ریزەكانیان بەو یاریزانە بەهێز تر بكەن رۆژنامەكان باسیان لەوەش كردووە: هەرچەندە ناوبراو لە ماوەی رابردوودا نەیتوانیوە لەگەڵ یۆڤی ئاستێكی بەرز پێشكەش بكات بەڵام بەرپرسانی پی ئێس جی و تۆماس تۆشڵی راهێنەری یانەكە لەو باوەرەدان ناوبراو لە ریزی یانەكەیان ئاستێكی بەرز پێشكەش بكات دۆگڵاس كۆستای تەمەن 28 ساڵ لە رابردوودا یاریزانی یانەكانی شاختاری ئۆكرانی و بایرن میونشنی ئەڵمانی بووە و لە هاوینی 2017 شەوە بۆ ماوەی 5 وەرز رووی لە خانمە پیرەكە كرد
لە تۆڕە کۆمەڵایەتیەکان شەیری بکە