.

04:16 PM - 13/01/2019

قوباد تاڵەبانی: حکومەتێکی بەھێز بەرەو گۆڕانکاری ریشەیی لە بەڕێوەبردن و خزمەتکردنی خەڵک

لاھور شێخ جەنگی: بڕیاری سیاسەت لێدراوی ھەرێم لە سەر بنەمای نیشتیمانی و کۆدەنگی بێت

بافڵ تاڵەبانی: یەكێتیەکی بەھێز بۆ داھاتوویەکی بەھێزتری ھەرێم

بافڵ تاڵەبانی و قوباد تاڵەبانی و لاھور شێخ جەنگی لە دەباشان چاویانکەوت بە جۆن ویڵكس باڵیۆزی بەریتانیا لەعێراق و مارتن وار كونسوڵی بەریتانیا ‎لە هەرێمی كوردستان. لە دیدارێکدا ھەلومەرجی سیاسی ھەرێم و عێراق و ناوچەکە لە بەر رۆشنایی گۆڕانکارییەکان تاوتوێکران
لەبارەی سیاسەتی بڕیارلێدراوی یەکێتی و  ھەوڵەکانی پێکھێنانی حکومەتی نوێی ھەرێم
قوباد تاڵەبانی رایگەیاند: لەگەڵ حکومەتی شەراکەتی راستەقینە و خزمەتگوزارین کە رەنگدانەوەی واقیعی ئەمڕۆی  ھەرێم  و عێراق بێت،  چونکە  یەکێتی لەگەڵ حکومەتی خەڵکدایەوە و کار بۆ تەواوکردنی قۆناغەکانی چاکسازی ریشەیی لە ھەرێم دەکەین و دەمانەوێت گۆڕانکاری ریشەیی لە تەواوی کایەکانی بەڕێوەبردن بکەین و بەرنامەکەمان کە خۆی لە ئارامی و ھەلی کارو خزمەت دەبینێتەوە دەیکەینە شاڕێی کارکردنی چوار ساڵی داھاتوومان.
سەبارەت بە پەیوەندییەکانی ھەرێم و ناوەند لاھور شێخ جەنگی تەکیدیکردەوە: لەسەر  پابەندبوون بە دەستوور و چارەسەرکردنی کێشەکان لە سەر بنەمای شەراکەت و پێکەوەژیان و بەرژەوەندی ھاوبەش ووتی: یەکێتی لەگەڵ دروستکردنی بەرەیەکی نیشتمانیدایە کە  رەنگدانەوەی ھەموو بیرۆبۆچوونەکان بێت لە ھەرێم و بڕیاری سیاسەت لێدراویش لە سەر بنەمای نیشتمانی بێت و پێکەوە یەک گوتارمان ھەبێت بۆ عێراق.
پەیوەست بە کاروباری رێکخراوەیی بافڵ تاڵەبابی روونکردنەوەی دایە وەفدی میوان و رایگەیاند: یەکێتی لە بەردەم گۆڕانکاری گەورەو نوێبوونەوەدایە و گیانی یەکێتی ناو یەکێتی دەبوژێنینەوە و کۆنگرەی نوێبوونەوەش دەبەستین چونکە یەکێتیەکی بەھێز بۆ ئەمڕۆ و داھاتویەکی بەھێزتری ھەرێم پێویستە و ئێستاش یەکێتی خاوەن یەک بڕیارو یەک ئاڕاستەی سیاسیە و بنەماو دوورنمای کارکردنیشمان درێژەپێدان دەبێت بە سیاسەتی حەکیمانەی ھەڤاڵ مام جەلال.
ھەر لە دیدارەکەدا
بوچوونەکانیش لەسەر تەواوی پرسە سیاسی و ئابوری و ئیداری و سەربازییەکان بە شێوەیەک خرانە روو کە ھەرێمێکی بەھێزتر لە سەر بنەمای ھاوڵاتی بوون بنیادبنرێت و دەستوور مەرجەعی پەیوەندی ھەرێم و بەغداد بێت و گیانی پێکەوە ژیان و ئاشتیانە ببوژێنرێتەوە