.
12:33 PM - 07/09/2017
لێپرسراوێكی عیراقی نزیك لە حەیدەر عەبادی هەڕەشە دەكات و دەڵێت: هێزە عیراقییەكان دەتوانن پێشمەرگە لە هەولێر وسلێمانی دەربكەن.
جاسم محەمەد جەعفەر سەركردە لەئیئتلافی دەوڵەتی قانون كە بەكەسایەتییەكی نزیك لە حەیدەر عەبادی سەرۆك وەزیرانی عیراق ناسراوە، هەڕەشەی توند لەكورد دەكات و دەڵێت: پێویست كورد رێز لەخۆیان بگرن و قەبارەی خۆیان باش بزانن. دەشڵێت: پێویستە كورد بەچاوی كەمەوە سەیری هێزە عیراقییەكان نەكەن و دەتوانن پێشمەرگە لەهەولێر و سلێمانی و ناوچە كوردستانییەكانی دەرەوەی هەرێم دەربكەن.
پێشتریش مەلا بەختیار لێپرسراوی دەستەی كارگێڕی مەكتەبی سیاسی یەكێتیی نیشتمانیی كوردستان رایگەیاندبوو: حكومەتی عیراق ناتوانێت كورد ناچار بكات لەناوچە دابڕێنداراوەكانی هەرێم بچێتەدەرەوە. ئاماژەی بەوەشكردبوو: تەنیا هێزی پێشمەرگەی كوردستان بووە بۆ ماوەی زیاتر لە چوارساڵ لە بوونی تیرۆریستانی داعش لەنزیك سنورەكە، بەرگری لەو ناوچانە كردووە.
لە تۆڕە کۆمەڵایەتیەکان شەیری بکە