.
10:45 AM - 29/11/2015
وەزارەتی ناوخۆی مەغریب لە بەیاننامەیەكدا رایگەیاند هێزەكانی پۆلیس بە گومانی دزە كردنە ناو ئامێرەكانی پەیوەندی بۆ ئەنجامدانی كاری تیرۆریستی سێ تیرۆریستیان دەستگیر كردوە و دوان لە دەستگیركراوەكانیش هاووڵاتی توركیان و پەیوەندیان بەگرووپی تیرۆریستی داعشەوە هەیە
هەر لە بەیاننامەكەی وەزارەتی ناوخۆی مەغریبدا ئەوە ئاشكراكراوە كە سێ تیرۆریستەكەی دوایی لە شاری وجدەی رۆژهەڵاتی مەغریب دەستگیركراون و دوو تیرۆریستە تووركەكە لەسوریا لە ڕیزەكانی گرووپی تیرۆریستی داعشدا مەشقیان لەسەر بەكارهێنانی چەك كردووە .
وەزارەتی ناوخۆی مەغریب ئاماژەی بەوەشداوە كە هێزە ئەمنیەكانی مەغریب لەچەند مانگی رابردوودا ژمارەیەك شانەی نووستووی گرووپە تیرۆریستیەكانیان ئاشكرا كردووە و لە ناویشیاندا سێ گرووپی تیرۆریستی دوای پەلامارە تیرۆریستیەكانی پاریس دەستگیركراون.
لە تۆڕە کۆمەڵایەتیەکان شەیری بکە