.
08:20 PM - 06/02/2026
وەفدێكی وەزارەتی بەرگریی سوریا سەردانی حەسەكەی كرد و لەگەڵ فەرماندەكانی هێزەكانی سوریای دیموكرات -هەسەدە، تاووتوێی پرۆسەی تێكەڵكردنی سەربازییان كرد.
وەفدەكە وەزارەتی بەرگریی سوریا، لەلایەن عەمید حەمزە حەمیدی سەرۆكی دەستەی ئۆپراسیۆنەكان لە سوپای عەرەبی سوریا سەرۆكایەتی كراوە و لەلایەن سیپان حەمۆ و چیا كۆبانێ ئەندامانی فەرماندەیی هەسەدەوە پێشوازیان لێكراوە.
میدیای بەڕێوەبەرایەتی خۆسەر بڵاویكردەوە، سەردانی وەفدەكە لە چوارچێوەی تەواوكاری جێبەجێكردنی بڕگەكانی ڕێككەوتنی 29ی كانوونی دووەم و تاوتوێكردنی هەنگاوەكانی پرۆسەی تێكەڵاوبوونەوە.
میدیای ڕەسمی سووریاش ئاماژەی بەوەكردوە، لە كۆبوونەوەكەدا ڕێكارەكانی تێكەڵاوكردنی ئەندامانی هەسەدە بە دامەزراوە سەربازییەكان و ڕێككەوتنی نێوان حكومەتی سووریا و هەسەدە تاوتوێكراوە.
لە تۆڕە کۆمەڵایەتیەکان شەیری بکە
