.
10:25 AM - 10/01/2026
هەرچەندە دەستەی ئۆپراسیۆنەكان لە سوپای سوریا دەنگۆی كۆنتڕۆڵكردنی تەواوی گەڕەكی شێخ مەقسوودی لە حەلەب راگەیاند، بەڵام میدیای بەڕێوەبەرایەتی خۆسەر ئەو دەنگۆیەی رەتكردەوە و رایگەیاند، گەڕەكی شێخ مەقسوود كۆنتڕۆڵنەكراوە و پێكدادان بەردەوامە.
میدیای بەڕێوەبەرایەتی خۆسەر وەڵامی دەنگۆ و هەواڵە چەواشەكارەكانی دەستەی ئۆپراسیۆنەكانی لە سوپای سوریا دایەوە و رایگەیاند، گەڕەكی شێخ مەقسوود كۆنترۆڵ نەكراوە و پێكدادان بەردەوامە، راشیگەیاند، چەكدارەكانی سەر بە حكومەتی دیمەشق نەخۆشخانەكانی شێخ مەقسوود بەچڕی بۆردوومان دەكەن.
ئەم هەڵكشانە سەربازییە دوای ئەوە دێت، لە 6ی كانوونی دووەمی 2026 پێكدادانی سەخت لەنێوان سوپای سوریا و هێزەكانی ئاسایشی ناوخۆ لە گەڕەكەكانی شێخ مەقسوود و ئەشرەفییە دەستیپێكرد.
بەپێی ئامارەكان، بەهۆی ئەو شەڕەوە 25 هاووڵاتی شەهید بوونو نزیكەی 150 هەزار كەسیش ئاوارەبوون.
لە تۆڕە کۆمەڵایەتیەکان شەیری بکە
