.
08:33 PM - 02/04/2022
مەلا بەختیار، ئەندامی ئەنجومەنی باڵای سیاسی و بەرژەوەندییەكانی یەكێتی، لە ڕێورەسمی پەردە لادان لەسەر وێنەی سەرجەم شەهیدانی گوندی ئیلنجاغی گەورە، وتارێكی پێشكەشكردو تێیدا هۆشداری دایە یەكێتی كە دەست بە گۆڕانكاری بكات.
مەلا بەختیار رایگەیاند: یەكێتیی نیشتمانیی كوردستان، ئەگەر بەرنامەیەكی شۆڕشگێڕانەی نەبێ بۆ گۆڕانكاری و نەهێشتنی گەندەڵی، بۆ دادپەروەری و درێژەپێدانی ئازادی و دیموكراسی، بۆ خزمەتكردنی شەهیدەكان، و ئەگەر ، رەخنە لەخۆی نەگرێ و هەڵەكانی چارەسەر نەكات و بەخۆیدا نەچێتەوە، لەهەڵبژاردنی كوردستان، متمانەی دەنگی كەمتر دەبێت!
مەلا بەختیار وتیشی :ئەوكاتەی هیچمان نەبوو، خەڵك ویژدانی خۆی پێشكەش دەكردین! بەڵام ئێستا دەزانن هەموو شتێكمان هەیە و بەكەمی خزمەتیان دەكەین، بۆیە بەویژدانەوە رەخنەمان لێدەگرێت. ئێستا ویژدان و بیركردنەوە كراوەیە، بۆیە ئێستا رەخنەیان لەسەرمان هەیە. لەسەر مەسئولەكان هەیە، لەسەر وەزیر و گزیرەكانیشمان هەیە. ئەمەش دەبێ زەنگێك بێت رامان بچەڵێكێنێ.
ئاماژەشی بۆ ئەوەكرد: راگەیاندنەكان دایمەپۆشن، ماستاومەكەن و خەڵك چەواشە مەكەن .تێبگەن170 هەزار دەنگ دادەبەزین، ئەمە بێزاری و ناڕەزایی و رەخنەیە! كەمبونەوەی متمانەیە بەیەكێتی . یەكێتی و پارتی و گۆڕان، كە هەرسێ لایان لەسەر حوكمن، لەدوا هەڵبژاردندا 700هەزار دەنگ دابەزیوین! لەكاتێكدا چوار موالید زیادمان كردوە، ئەمەش پەیامە و پەیامی ویژدانی رایگشتییە، پەیامی ویژدانی نەتەوەكەمانە! تێیدەگەین دەبێ چارەسەری بكەین، تێیناگەین، دڵنیابن خەڵك چارەسەرمان دەكات!!
لەكۆتایی وتارەكەیدا، مەلا بەختیار، تەئكیدیشكردەەوە: بۆ ئەوەی دۆخەكە لەمە زیاتر تێكنەچێ و رۆنەچێ، ئەم قسانەم وەك پەیامێك وەربگرن، ساڵێكی تر ئەم وەختە 1-4-2023 ئەگەر یەكێتی گۆڕانكاری ریشەیی لەخۆیدا بەدینەهێنێت، ئەوا قسەكانی منتان لەبیربێت
لە تۆڕە کۆمەڵایەتیەکان شەیری بکە
