.
01:13 PM - 16/01/2022
كۆنتی هەڕەشەی وازهێنان لەئیدارەی تۆتنهام دەكات
ئەنتۆنیۆ كۆنتی ئیتاڵی و راهێنەر هەڕەشەی وازهێنان و دەستبەرداری ئەركەكەی دەكات لەئیدارەی یانەی تۆتنهام هۆتسپێر لەمبارەیەوە رۆژنامەی میرەر بڵاویكردۆتەوە : كۆنتی بەبەرپرسانی یانەكەی راگەیاندووە ئەگەر لەمیركاتۆی زستانە داواكارییەكانی بۆ جێبەجێ نەكەن ئەوا واز لەئەركەكەی دەهێنێت و ریزی یانەكەی بەجێدەهێڵێت راهێنەری ناوبراو لەمانگی 11ی ساڵی رابردووەوە ئەركی راهێنەری تۆتنهامی وەرگرتووە و تائێستا سەرپەرشتی 14 یاری كردووە 8 بردنەوە و سێ یەكسانبوونی هەیە و لە سێ یاریش دووچاری شكست بووە لەمیركاتۆی زستانە كۆنتی داوای هێنانی چەند یاریزانێك دەكات و پێوانیە بۆ نەهێشتنی كەم و كورییەكانی پێكهاتەكەی پێویستی بەهێنانی یاریزانی نوێ هەیە لەئەگەری ئیمزانەكردنی بۆندیش ئامادەیە دەستبەرداری ئەركەكەی ببێت و گرێبەستەكەی لەگەڵ تۆتنهام هەڵبوەشێنێتەوە بەتایبەت داوای ئاداما تراوری یاریزانی ولڤەرهامپتۆن و دوو بەرگریكاری تر دەكات جێگەی باسە : لەخولی نایابی یانەكانی ئینگلتەرا یانەی تۆتنهام خاوەن 33 خاڵەو پلەی شەشەمی ریزبەندی گرتووە
لە تۆڕە کۆمەڵایەتیەکان شەیری بکە