.
05:02 PM - 05/04/2021
بەهۆی ناجێگیری نرخی دۆلار و دراوە بیانیەكانی ترەوە، بۆ ماوەی هەفتەیەك زیادكردنی رۆژانەی بانكی ناوەندی عیراق راگیراو هیچ بانكێك ئامادەنەبوو بەشداریان تێدا بكات.
سەرچاوەیەك لە حكومەتی عیراق ئاشكرایكرد: هەفتەی رابردوو لەگەڵ بەرێوەچوونی دوایین وتوێژەكانی پەیوەست بە پەسەندكردنی بودجەی گشتی 2021ی عیراق و ئەو هەوڵانەی بۆ دابەزاندنی بەهای دۆلار دەدران، ماوەی هەفتەیەك زیادكرنی رۆژانەی بانكی ناوەندی ئەنجام نەدراو بانكەكانیش بەهۆی ناجێگری نرخی ئەو دراوەشەوە، ئامادەنەبوون هیچ بەشدارییەكی تێدا بكەن.
وتیشی: لەپاش پەسەندكردنی پرۆژەیاسای بودجەو یەكلایبونەوەی بەهای دۆلار لەبەرامبەر دیناردا، پێشبینی دەكەن لەم هەفتەیەوە زیادكردنەكانی بانكی ناوەندی دەستپێبكاتەوەو بانكەكانیش دەرخستەی خۆیان بۆ كڕینی دۆلار پێشكەش بكەن.
لە تۆڕە کۆمەڵایەتیەکان شەیری بکە
