بەپێی پێوەرە جیهانییەكان، دەبێت هەر شارێك لە سەدا 25 تا 30ی ڕووبەرەكەی سەوزایی بێت، بەڵام لەسەنتەری سۆران دۆخەكە تەواو پێچەوانەیە، ڕێژەكە زۆر لەوە كەمترە، بەوتەی بەڕێوەبەری فەرمانگەی ژینگەی سۆران رێژەی سەوزایی لەسۆران لە سەدا سێ تاوەكو سەدا پێنجە.
ژینگەدۆستان و هاووڵاتییانی ناوچەكە سەرەڕای نیگەرانییان لە كەمیی سەوزایی و نەبوونی پاركی گشتی، ئەم رێژە كەمەی ئێستاش بە مەترسییەكی گەورە بۆ سەر تەندروستی دانیشتووانەكەی دەزانن.