لە كاتێكدا بارودۆخی سەختی ئابووری بژێویی ژیانی زۆرێك لە خێزانەكان قورس دەكات، لەو كاتەشدا دەستپێشخەرییە مرۆییەكان دەبنە تیشكێكی هیوا بۆ كەمكردنەوەی ئازارەكانی كۆمەڵگە. بە مەبەستی درێژكردنی دەستی هاوكاری بۆ هاووڵاتیانی كەمدەرامەت، پڕۆژەی خێرخوازیی "خوانی خێری مەریوانی حاجی جەمال" لە قەزای سەیدسادق دەرگاكانی بەڕووی سەردانكەراندا واڵا كرد،  كە تێیدا رۆژانە بەبێ بەرامبەر پێشوازی لە كاسبكاران، كرێكاران و خێزانە نەدارەكانی قەزاكە دەكرێت تا ژەمە خواردنێكی شایستەیان پێشكەش بكرێت.