بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد بەشداری لە پرسەی زانای پایەبەرز، سەید حسێن محەمەد هادی سەدر کرد.

سەرۆک بافڵ پرسە و سەرەخۆشی و هاوخەمی قووڵی خۆی بۆ لەدەستدانی یەکێک لە کەسایەتییە ئایینییە دیارەکانی عیراق بە سەید عەممار حەکیم، سەرۆکی رەوتی حیکمە و بنەماڵەی بەڕێزی ئال سەدر گەیاند و هیوای خواست ئەو پەیامەی کۆچکردوو کاری بۆ دەکرد، وەک هەمیشە بنەمای بەهێزکردنی پێکەوەژیان بێت لە وڵاتەکەماندا.