.
09:22 PM - 16/11/2017
سەعد حەدیسی وتەبێژی حكومەتی عیراق رایگەیاند: كە ئەنجومەنی وەزیران گفتوگۆو وتوێژەكانی تایبەت بەرەشنوسی پرۆژەیاسای بودجەی گشتی ساڵی (2018) تەواوكردوەو پاش دارشتنەوەی رەشنوسی كۆتایی پرۆژەیاساكە لە ماوەیەكی نزیكدا بۆ پەسەندكردنی رەوانەی ئەنجومەنی نوێنەرانی دەكرێت.
وتیشی: لە پرۆژە یاساكەدا زۆر بابەت و برگە تاوتوێ كراون و پاش هەڵسەنگاندنی تەواوەتی بریاری كۆتاییان لەبارەوە دراوە.
تەئكیدیشیكردەوە كە ناردنی پرۆژەیاسای بودجەی عیراق بۆ ئەنجومەنی نوێنەرانی عیراق زۆر دواناكەوێت و حكومەتیش دەیەوێت بەزوویی پرۆژەیاساكە پەسەندبكرێت.
جێی ئاماژەیە پێشتر لیژنەی دارایی ئەنجومەنی نوێنەرانی عیراق رایگەیاندبوو كە حكومەتی عیراق رەوانەكردنی پرۆژەیاسای بودجە بۆ كۆتایی ئەم مانگە دوادەخات.
لە تۆڕە کۆمەڵایەتیەکان شەیری بکە
