.
04:51 PM - 21/06/2020
لیژنەی دارایی پەرلەمانی عیراق رایگەیاند: پێشنیاری بڕینی مووچەی فەرمانبەرانیان رەتكردۆتەوە و پێیان وایە چەندین رێگای تر هەیە كە حكومەت بۆ زیادكردنی داهاتەكانی بیگرێتەبەر.
لیژنەی دارایی پەرلەمانی عیراق لە بەیاننامەیەكدا رایگەیاندووە: لیژنەكەیان لەگەڵ عەلی عەللاوی وەزیری دارایی كۆبۆتەوەو تاووتوێی وەرگرتنی قەرزو رێگاكانی چارەسەركردنی قەیرانی داراییان كردووەو لەسەرئەوە رێككەوتوون كە وەرگرتنی قەرز لەچوارچێوەی یاساكانی وەرگرتنی قەرزدا بێت.
باس لەوەشكراوە: لەكاتی پەسەندكردنی بڕیاری وەرگرتنی قەرز لەلایەن لیژنەی دارایی و پەرلەمانی عیراق لەسەر حكومەت دەكرێت بە پێشمەرج كە پڕۆژەیەك لەبارەی چاكسازی لە دارایی و ئابووری لە ماوەیەكدا كە لە 60 رۆژ تێپەڕنەكات، رەوانەی پەرلەمان بكات.
ئاماژەی بەوەشكردووە: چەندین رێگای تر هەیە كە حكومەت بۆ زیادكردنی داهاتەكانی بیگرێتەبەرو بە بێ ئەوەە دەست بۆ مووچەی فەرمانبەرانو خانەنشینانببات، بۆیە ئەو پێشنیارەیان رەتكردۆتەوە كە مووچە كەمبكرێتەوە.
لە تۆڕە کۆمەڵایەتیەکان شەیری بکە