.
09:30 PM - 09/05/2024
قوبا تاڵەبانی ، جێگری سەرۆكی ئەنجومەنی وەزیران لە كۆبوونەوەیەكیدا لەگەڵ عەزرا زییا، بریكاری وەزارەتی دەرەوەی ئەمەریكا بۆ كاروباری ئاسایشی سڤیل و دیموكراسی و مافەكانی مرۆڤ ڕایگەیاند : لە پەرۆشیمانەوە بۆ داهاتووی هەرێمی كوردستان، نیگەرانین لە هەموو ئەو هەوڵ و هەنگاوانەی بە مەبەستی دواخستن و پەكخستنی پرۆسەی هەڵبژاردن دەنرێن، چونكە زیانی قەرەبوونەكراو بە پێگەی هەرێم و دامەزراوەكانی دەگەیەنێت و داهاتووی وڵاتەكەمان دەخاتە بەردەم چارەنووسێكی نادیارەوە.
ڕاشیگەیاند، گفتوگۆمان كرد لەبارەی پرسەكانی هەڵبژاردن، لەهەمانكاتیشدا جەختمان لە باوەڕ و پرەنسیپی نەگۆڕی ژیانی سیاسی خۆمان كرد كە نەك تەنها ئامادەنین یەك هەنگاو لەو پرەنسیپ و بەهایانە پاشەكشە بكەین، بەڵكو بەردەوام هەوڵ دەدەین دۆخی ئازادی رۆژنامەوانی و مافی مرۆڤ لەهەرێمی كوردستاندا باشتر بكەین و بەهەموو هێزمانەوە بەڕووی توندوتیژی دژی ژنان دەوەستینەوە.
لە تۆڕە کۆمەڵایەتیەکان شەیری بکە
