.
11:24 AM - 20/03/2023
لەدوای دۆزینەوەی تەرمێک لەگەڕەکی کەنەسورەی شاری سلێمانی ئاسایشی سلێمانی روونکردنەوە لەوبارەیەوە دەدات.
بەڕێوەبەرایەتی ئاسایشی سلێمانی لە كۆنفرانسێكی رۆژنامەوانیدا رایگەیاند : لەدوای دۆزینەوەی تەرمی کەسێک لەگەرەکی کەنەسورەی شاری سلێمانی ، لە دوای بەدواداچوون و لێکۆڵینەوەکان دەرکەوت قوربانییەكە كاسبكارێكی دانیشتووی گەڕەكی بەكرەجۆی شاری سلێمانییە و لەلایەن چەند كەسێكەوە كوژراوە.
ئاماژەی بەوەشداوە، بەڵگەی تەواویان سەبارەت بە ئەنجامدانی تاوانەكە لە بەردەستدایە و تەواوی تۆمەتباران كە خەڵكی دەرەوەی هەرێمی كوردستانن دەستگیركراون.
هاوکات ئاسایشی سلێمانی تەئكیدیشی كردەوە لێكۆڵینەوەكان لەبارەی هۆكار و شێوازی ئەنجامدانی تاوانەكە دەستیان پێكردووە و لە داهاتوویەكی نزیكدا وردەكاری زیاتر ئاشكرا دەبێت.
لە تۆڕە کۆمەڵایەتیەکان شەیری بکە