.
09:21 PM - 16/05/2022
وەفدێكی هەرێمی كوردستان بۆ بەشداریكرن لەپرسەی شێخ خەلیفە بن زاید ئال نەهیان سەرۆكی كۆچكردووی ئیمارات، سەردانی ئەبوزەبیان كرد و لەلایەن محەمەد بن زاید ئال نەهیان سەرۆكی ئیماراتەوە پێشوازی لێكرا.
وەفدی هەرێمی كوردستان كە پێكهاتبوو لە نێچیرڤان بارزانی سەرۆكی هەرێمی كوردستان ،قوباد تاڵەبانی جێگری سەرۆكی حكومەتی هەرێمی كوردستان، مستەفا سەید قادر جێگری سەرۆكی هەرێمی كوردستان،پرسە و سەرەخۆشیی و هاوخەمی خۆیان و گەلی كوردستانی بە شێخ محمەد بن زاید ئال نەهیان خانەوادەی ئال نەهیان و حكومەت و گەلی ئیمارات گەیاند و هیوایان خواست خوای مەزن گیانی خوالێخۆشبوو بە بەزەیی و میهرەبانیی خۆی شاد بكات.
لای خۆیەوە شێخ محەمەد بن زاید ئال نەهیان سەرۆكی ئیمارات،سوپاس و پێزانینی خۆی و خانەوادەكەی و سەركردایەتیی وڵاتەكەی بۆ بەشداری و هاوخەمی وەفدی هەرێمی كوردستان لەپرسەكەیاندا دەربڕی و ستایشی خۆی و وڵاتەكەی بۆ دۆستایەتی و هاوسۆزیی هەرێمی كوردستان لەگەڵ ئیمارات دووپاتکردەوە.
لە تۆڕە کۆمەڵایەتیەکان شەیری بکە