.

06:06 PM - 04/12/2021

بینایی بۆ نابینایان دەگەڕێندرێتەوە

لەتاقیكردنەوەی پزیشكێكی نەشتەرگەری مێشك و دەماردا هیوا دەگەڕێندرێتەوە بۆ كەسانی نابینا ئەوەش بە جێگیركردنی ڕیزێك جەمسەری كارەبایی لە ناو مێشكی كەسە نابیناكەدا .
لە تاقیكردنەوەیەكداپزیشكێكی نەشتەرگەری دەمار و مێشك ڕیزێك جەمسەری كارەبای لەناو مێشكی كەسێكی نابینادا دەچێنێت, ئەو بەشەی كە چێندراوە لەناو مێشكی ئەوكەسەدا پەیوەستكراوە بە كامێرایەكی ڤیدیۆ گرتنەوە و پێچراوە لە لە ناوەڕاستی چاویلكەیەك, واتا ناردنی زانیاری بە شێوەیەكی ڕاستەوخۆ ئەو بەشەی بەرپرسە لە بینین لەناو مێشكدا.
بێرنا گۆمێز كە ئەم نەشتەرگەرییەی بۆ ئەنجامدراوە پێشتر مامۆستای زانست بووە و نزیكەی 16 ساڵە نابینە, گۆمێز دوای ماوەیەك هەستی كرد دەتوانێت ئەو هێما و زانیاریانە لێكجیابكاتەوە كە تۆماركرابوون لەناو ئەو كامێرەیەدا كە ڕاستەوخۆ دەچێت بۆ مێشكی, گۆمێز وتوشیەتی كە 6 مانگە پرۆسەكەی ئەنجامداوە هەستی بە هیچ زیانێكیش نەكردووە بۆ سەر چالاكییەكانی مێشكی و تەندروستیشی.
لە لێدوانێكیدا ڕیچارد نۆرمان لێكۆڵەر لە سەنتەری چاولی جۆن-ئەی مۆران  لە زانكۆی یوسا ئیوتا ووتی: ئامانجمان گەڕاندنەوەی جوڵەیە بۆ نابینایان هەروەها رێگەیەكە بۆ پاراستنیان چونكە یارمەتی دەرە لە ناسینەوەی ڕێگای چونە دەرەوە, بۆیە خۆشبەختانە سەركەوتنی تاقیكردنەوەكە هیواكی ڕووناكە بۆ گەڕاندنەوەی تروسكایی بۆ چاوی نابینا.