خالید شوانی وەزیری دادی عیراق  دوای كۆبوونەوەی لەگەڵ وەزیری كاروكاروباری كۆمەڵایەتی هەرێمی كوردستان لە بەغداد   لە كۆنگرەیەكی رۆژنامەوانیدا رایگەیاند، ئەو دۆسییەیەی گفتوگۆی لەسەر دەكەن دۆسییەیەكی مرۆییە بۆ خەڵكی هەژارو كەمدەرامەتەكان ، راشیگەیاند، لە ساڵی 2013 ەوە  هیچ  كەسێك بۆ چاودێری كۆمەڵایەتی هەرێمی كوردستان  زیاد نەكراوە و بڕی ئەو مووچەیەشی لە هەرێمی كوردستان دەدرێت زۆر كەمترە لەوەی لە عیراق هەیە، راشیگەیاند، بەتەواوی پشتگیری داواكارییەكانی وەزارەتی كارو كاروباری كۆمەڵایەتی هەرێم دەكەن و هەوڵدەدەن داواكانیان لەناو  یاسای بودجەی گشتی  عیراق جێگیری بكەن.