محەممەد سەمعان ئاغا، پارێزگاری کەرکوک، بەبۆنەی نۆهەمین ساڵیادی کۆچی دوایی سەرۆک کۆماری پێشووتر، خوالێخۆشبوو(مام جەلال)، بروسکەیەکی سەرەخۆشی ئاراستەی بافڵ جەلال تاڵەبانی، سەرۆکی یەکێتیی نیشتمانیی کوردستان کرد.

پارێزگاری کەرکوک لە پەیامەکەیدا، ئاماژەی بە رۆڵی نیشتمانی و خەباتگێڕانەی رەوانشاد مام جەلال، کەسایەتییە نیشتمانییەکەی و پەرۆشیی گەورەی بۆ کەرکوک و زامنکردنی مافی سەرجەم پێکهاتەکان لەسەر بنەمای دادپەروەری و شەراکەتی نیشتمانی کردەوە.

سەمعان ئاغا جەختیشی لەسەر بەهێزکردنی بنەماکانی دیالۆگ، پابەندبوون بە نەگۆڕە نیشتمانییەکان و بنەما دەستوورییەکان، و چەسپاندنی شەراکەت کردەوە بە جۆرێک کە ببێتە هۆی گەشەپێدانی پارێزگای کەرکوک، و بەهێزکردنی سەقامگیری و ئاسایشی عیراق.