هەڤاڵ ڕفعەت عەبدوڵا، جێگری سەرۆکی یەکێتیی نیشتمانیی کوردستان، لەگەڵ بۆردی ناوەندی حکومەت و پەرلەمان کۆبووەو تیشکی خستەسەر دوایین گۆڕانکاری و پێشهاتە سیاسیەکان و جەختی کردەوە کەیەکێتی لەپێناو پاراستنی کوردستان و بەرپرسیارێتیی مێژووییدا هەموو هەنگاوێکی ئەرێنی دەگرێتەبەر.

لەکۆبونەوەکەدا کەهەڤاڵ سەمیر هەورامی، لێپرسراوی بۆردی ناوەندی حکومەت ئامادەیبوو، هەڤاڵ جێگری سەرۆک ڕایگەیاند، بۆردی حکومەت، بایەخێکی گرنگی هەیە بۆ یەکێتی و چۆنیەتی بەستنەوەو قوڵترکردنەوەی خەباتی ڕێکخراوەیی بەخزمەتی گشتیەوە بەئەرکێکی هەنوکەیی وەسفکرد.