گەنجانی هەرێمی كوردستان كەسانی بەتوانا و خاوەن بەهرەن، ئەگەر هانیان بدەین و هاوكاریان بین دەتوانن كاری زۆر گەورەو و داهێنەرانە ئەنجام بدەن و ببنە جێگای شانازیمان، هاوكارمان  شاهۆ ئیبراهیم  چووەتە لای گەنجێكی كەلار كە ناوی (دیار بەكر)ـە‌و ماوەی سێ‌ ساڵە بووەتە جێگای شانازی كەلارییەكان و  شارەكەی خستۆتە سەر نەخشتەی دیجیتاڵی گۆگڵ ستریت ڤیو، ئەم گەنجە ئێستا سەرقاڵی دانانی نەخشەی رێگە سەرەكیەكانی كەلار و گەرمیانە لەسەر نەخشەی دیجیتاڵی جیهان، كە بۆ گەشتیار و ریبَواران  سودێكی زۆری هەیە.