.

10:28 AM - 15/04/2024

كه‌شناسیی هه‌رێم رایگه‌یاند، ئه‌مڕۆ ئه‌گه‌ری تاوه‌ باران و بروسكه‌ی كه‌م كه‌م له‌ناوچه‌كانی رۆژئاوای هه‌رێم، به‌رزبونه‌وه‌ی تۆزێكی سوك له‌ناوچه‌كانی باشور و رۆژئاوا هه‌یه‌.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه‌، ئه‌مڕۆ دووشه‌ممه‌ ئاسمان هه‌ور بۆ نیمچه‌ هه‌ور ده‌گۆڕێت، له‌گه‌ڵ ئه‌گه‌ری تاوه‌ باران و بروسكه‌ی كه‌م كه‌م له‌ناوچه‌كانی رۆژئاوای هه‌رێم ناوچه‌ سنوریه‌كان و قه‌زای شه‌نگال و ده‌وروبه‌ری و هه‌ندێك له‌ناوچه‌كانی پارێزگای دهۆك، هه‌روه‌ها ئه‌گه‌ری به‌رزبونه‌وه‌ی تۆزێكی سوك له‌ناوچه‌كانی باشور و رۆژئاوای هه‌رێم هه‌یه‌، له‌كاته‌كانی شه‌ودا كه‌شه‌كه‌ جێگیر ده‌بێته‌وه‌ و ئاسمان به‌ره‌و ساماڵ ده‌گۆرێت. 

ئاماژه‌ی به‌وه‌شكردوه‌، سبه‌ی سێشه‌ممه‌ ئاسمان ساماڵ ده‌بێت له‌گه‌ڵ په‌یدابونی په‌ڵه‌ هه‌وری جیاجیا، پله‌كانی گه‌رماش  به‌ نزیكه‌ی 1-3 پله‌ به‌راورد به‌  تۆماركراوه‌كانی ئه‌مڕۆ به‌رزده‌بنه‌وه‌.

 

به‌رزترین پله‌كانی گه‌رمای پێشبینیكراو به‌ پله‌ی سیلیزی

هه‌ولێر : 27 

سلێمانی  : 25

دهۆك :  25

 زاخۆ  : 26

هه‌ڵه‌بجه‌ : 25

كه‌ركوك : 29

سۆران : 24

حاجی ئۆمه‌ران : 15

گه‌رمیان : 30