.
07:13 PM - 06/06/2020
كۆبوونەوەی ئەنجومەنی نوێنەرانی عێراق بە ئامادەبونی 247 پەرلەمانتار بۆ متمانەدان بە حەوت كاندیدی مستەفا كازمی سەرۆك وەزیرانی عیراق بۆ پڕكردنەوەی وەزارەتە بەتاڵەكان بەڕێوەچوو و تێیدا سالار عەبدولستار وەك وەزیری داد و ئیحسان شەمەری وەك وەزیری نەوت و محەمەد كەریم جاسم وەك وەزیری كشتوكاڵ دەنگیان لە سەر درا.
هەر لەو كۆبوونەوەیەدا عەلا ئەحمەد حەسەن وەك وەزیری بازرگانی و حەسەن نازم وەك وەزیری رۆشنبیری و گەشتوگوزار و شوێنەوارو ئیڤان فائیق یەعقوب وەك وەزیری كۆچ و كۆچبەران و فوئاد حوسێن وەكو وەزیری دەرەوەی عیراق دەنگیان لە سەر درا و دواتر سوێندی یاساییان خوارد.
دواتریش مستەفا كازمی سەرۆك وەزیرانی عیراق لە تیوتێكدا سوپاسی پەرلەمانی كرد كە دووبارە متمانەی بەحكومەتەكەی بەخشییەوەو تێیدا ئەوەی خستۆتەروو: ئەوە هەنگاوێكی باشە بۆ جێبەجێكردنی بەرنامەكان، ڕاشیگەیاندووە: وەفادارو پابەندین بەرامبەر گەلی عێراق و بەگەشبینی و راستگۆییەوە داهاتوو بەڕێدەكەین.
لە تۆڕە کۆمەڵایەتیەکان شەیری بکە
