.
11:30 AM - 15/11/2019
لەدرێژەی یارییەكانی دوا پاڵەوانێتی ئەم وەرزەی تێنسی سەرزەوی كوڕان و لە یارییەكی بەهێز و ئاست بەرزدا رۆجێر فیدرێری سویسری و نۆڤاك جۆكۆڤیچی سڕبی بەیەك گەیشتن فیدرێر لەسەرەتای یاریەكەوە بە ئاستێكی بەرزوە دەركەوت و توانی كۆمەڵەی یەكەم بە ئەنجامی 6خاڵ بەرامبەر 4خاڵ لەبەرژەوەندی خۆی یەكلایی بكاتەوە لە كۆمەڵەی دووەمیش فیدرێر لەسەر پێشكەش كردنی ئاستە بەرزەكەی بەردەوام بوو وەتوانی ئەو كۆمەڵەیەش 6-3بباتەوە و یاریەكە بەسودی خۆی بە دووكۆمەڵەی بێ وەڵام كۆتایی پێ بهێنێت بەم بردنەوەیەش فیدرێر دوای دۆمینیك تیم دووەم بلیتی كۆمەڵەكەی بەدەستهێنا و بۆ قۆناغی پێش كۆتایی پاڵەوانێتیەكە سەركەوت و نۆڤاك جۆكۆڤیچیش ماڵئاوایی لە پاڵەوانێتیەكە كرد و پێشەنگی ریزبەندی جیهانی لەبەرژەوەندی رافاییل نادالی ئیسپانی تا كۆتایی ركابەریەكانی ئەمساڵ جێهێشت .
لە تۆڕە کۆمەڵایەتیەکان شەیری بکە