.
11:17 AM - 26/10/2019
ئەمڕۆ یارییەكانی هەفتەی دەیەمی لالیگای درێژەی دەبێت بە پێی بڕیارێكی یەكێتی تۆپی پێی ئەو ووڵاتەش یاری كلاسیكۆی نێوان هەردوو یانەی ریاڵ مەدرید و بەرشەلۆنە لەم هەفتەیەدا بەڕێوە ناچێت و بۆ كاتێكی تر دواخراوە هەروەها لە گرنگ ترین رووبەروو بوونەوەی ئەمشەویشدا كە سەعات 10 بە كاتی هەرێمی كوردستان دەست پێدەكات هەردوو یانەی ئەتڵەتیكۆمەدرید و ئەتڵەتیك بیلباو لە یاریگای واندا میترۆ پۆلیتانۆ بەیەك دەگەن لە یارییەكانی پێشووی خولەكەدا هەردوو یانە نەیانتوانیوە بە ئاستی راستەقینەی خۆیانەوە دەبكەون و بردنەوە تۆمار بكەن كە ئەتڵەتیكۆ سێ یارییە لەسەر یەك لە لالیگا دووچاری یەكسان بوون دەبێت و بیلباویش لە 4 یاریدا نەیتوانیوە بردنەوە تۆمار بكات و دووچاری دوو شكست و دوو یەكسان بوون بۆتەوە هەر بۆیە راهێنەری هەردوو یانە بە نیازن چەند گۆرانكارییەك لە پێكهاتە و شێوازی یاری كردنیان ئەنجام بدەن ئەویش بە هیوای ئەوەی بتوانن بردنەوە تۆمار بكەن و كۆتایی بە ئەنجامە لاوازەكانیان بهێنن رۆژی یەك شەممەش یارییەكانی هەفتەی دەیەمی لالیگا بەردەوامیان دەبێت و هەردوو یانەی سیڤیلیە و ڤالانسیاش رووبەرووی یانەكانی خیتافی و ئۆساسۆنا دەبنەوە .
لە تۆڕە کۆمەڵایەتیەکان شەیری بکە
