.
05:45 PM - 22/03/2023
مەكتەبی سیاسیی یەكێتیی نیشتمانیی كوردستان پەیامێكی بەبۆنەی مانگی رەمەزانەوە بڵاوكردەوە و دەڵێت، داواكرین لایەنەكان ئەم مانگە پیرۆزە بكەنە دەرفەت بۆ ئاشتەوایی گشتی و بەرژەوەندییە باڵاكانی میللەتەكەمان بخەنە پێش بەرژەوەندییە تایبەتیەكانیانەوە.
لە پەیامەكەی مەكتەبی سیاسیی یەكێتی ئەوەشهاتووە، "بەبۆنەی هاتنەوەی مانگی پیرۆزی رەمەزان، گەرمترین پیرۆزبایی ئاراستەی هەموو موسلمانانی كوردستان و عیراق و جیهان دەكەین".
هەروەها ئاماژەبەوەدراوە، "ئومێدەوارین مانگی رەمەزانی پیرۆز، مانگی خێرو خۆشی و قووڵبوونەوەی گیانی لێبوردەیی و ئاشتی كۆمەڵایەتی بێت بۆ گەلەكەمان."
" هەروەك هێز و لایەنە سیاسیەكان ئەم مانگە پیرۆزە بكەنە دەرفەت بۆ ئاشتەوایی گشتی و بەرژەوەندییە باڵاكانی میللەتەكەمان بخەنە پێش بەرژەوەندییە تایبەتیەكانیانەوە". مەكتەبی سیاسی لە پەیامەكەیدا وادەڵێت.
لە كۆتایی پەیامەكەدا هاتووە، "لەیەزدانی مەزن داواكارین، لەم مانگە پیرۆزەدا،هەمووان بەدوور بن لە هەركێشە و نەهامەتیەك و بە تەندروستییەکی باشەوە رۆژوو و ئەركە ئاینیەكانیان جێبەجێبكەن.
لە تۆڕە کۆمەڵایەتیەکان شەیری بکە
