.
11:55 AM - 23/06/2022
ئۆلیڤێر كان-ی سەرۆكی جێبەجێكاری یانەی بایرن میونش بەلێدوانێك رۆبەرت لیڤاندۆڤسكی هێرشبەرو گۆڵكەری یانەكەی بێ هیوا كرد، لیڤاندۆڤسكی دوای ئەوەی وەرزی رابردوو لەگەڵ یانە باڤاریەكە نازناوی بۆندس لیگای ئەڵمانی بەدەستهێنا رایگەیاند: كە لەمیركاتۆی ئەم هاوینە ریزی یانەكەی بەجێدەهێڵێت و نایەوێت چیتر لە ئال یانز ئارێنا یاری بكات، هەرچەندە ماوەی گرێبەستەكەی لەساڵی داهاتوو تەواو دەبێت، بەڵام ئیدارەی یانەی بایرن میونشن بەو بریارە نارازییەو نایەوێت دەستبەرداری ببێت، لەو باریەوە ئۆلیڤێر كان-ی سەرۆكی جێبەجێكاری یانەكە لەلێدوانێكیدا بۆ رۆژنامەی مۆندۆ دیپۆرتیڤۆ رایگەیاندووە: پەیوەست بە لیڤاندۆڤسكی بارودۆخەكە هیچ گۆرانكارییەكی بەسەردا نەهاتووەو گرێبەستەكەی لەساڵی 2023 كۆتایی دێت، بۆیە داواكارین لەیەكەم رۆژی دەستپێكردنەوەی ئامادەكاری بۆ وەرزی نوێ لەیاریگا ئامادە بێت، هەرچەندە بەرشەلۆنە و چەند یانەیەكی تر هەوڵی ئیمزاكردنی گرێبەستی لەگەڵ دەدەن، بۆیە دووبارەی دەكەینەوە كە ماوەی گرێبەستەكەی یەك وەرزی تری ماوە كۆتایی بێت.
.
لە تۆڕە کۆمەڵایەتیەکان شەیری بکە