.
07:01 PM - 20/01/2022
جوڵەی بازرگانی لە مەرزی نێودەوڵەتی باشماخ راگیرا
بەهۆی بەفربارینی زۆرو ئاستەنگەكانی هاتوچۆوە، جوڵەی بازرگانی لە دەروازەی سنوری باشماخ و مەرزی سەیرانبەن لەسنوری قەزای پێنجوێن راگیراوە.
عەبدوڵا غەریب پەیامنێری كەناڵی گەلی كوردستان لە پێنجوێن پێی راگەیاندین كە بەفربارینی زۆر رێگاكانی هاتووچۆی لەنێوان سلێمانی و قەزای پێنجوێن پەكخستووە و بەو هۆكارەش جوڵەی بارزگانی لە دەروازەی سنوری باشماخ و مەرزی كێلێدا لە سنورەكە راگیراوە هەروەك هاتوچۆی گەشتیاریش تائاستێكی زۆر كەمبۆتەوە و تەنها ئەو كەسانە دەتوانن هاتوچۆ بكەن، كە ئۆتۆمبێلی تایبەت بە خۆیان پێیەو دەوتوانێت لە رێگاكاندا هاتوچۆی پێ بكرێت.
هاوكات ماوەی ماوەی چەند رۆژێكە شەپۆلێكی بەفربارین رووی لەزۆرینەی ناوچەكانی هەرێمی كوردستان و سەر سنورەكان لەگەڵ وڵاتانی دراوسێدا كردووە، بەو هۆیەشەوە لە بەشێكی زۆری دەروازە سنوریەكاندا ئاڵوگۆڕی بازرگانی راگیراوە.
لە تۆڕە کۆمەڵایەتیەکان شەیری بکە