.
09:55 AM - 28/02/2021
یانەی بایرن میونشن كۆتایی بەئەنجامە خراپەكانی هێنا و دوای یەكسانبوون و شكستێك سێ خاڵی تری لەخولی یانەكانی ئەڵمانیا بەدەستهێنا ئەمەش دوای ئەوەی لەیاریگای ئەلیانز ئەرینا میوانداری یانەی كۆڵنی كرد لەگەڵ فیكەی ناوبژیوان یاریزانانی بایرن میونشن باشتر دەركەوتن و لەدەقیقەی 18 و لەرێگەی ئیریك ماكسیم چوبۆ مۆتینگ بوونە خاوەن گۆڵێك هەر لە درێژەی ئاستەبەرزەكەیان و لەدەقیقەی 33 ڕۆبەرت لیڤاندۆڤسكی گۆڵی دووەمی بۆ تۆمار كردن لەبەرامبەردا یانەی كۆڵن هەوڵی گۆرینی ئەنجامەكەی دەدا و لەدەقیقەی 49 جیاوازیەكەی كەمكردەوە و ئەلیاس ئالسخیری گۆڵێكی تۆما ركرد بەڵام خۆشی یاریزانانی ئەو یانەیە زۆری نەخایاند و یانەی بایرن میونشن ئاستی یارییەكەی بەسودی خۆی گۆری و لەدەقیقەی 65 لیڤاندۆڤسكی گۆڵی دووەمی خۆی و سێیەمی یانەكەی تۆبمار كرد ئاست بەرزی یاریزانانی یانە باڤاریەكە دریچژەی كێشا و لەدەقیقەكانی 82 و 86یش سێرجی گنابری دوو گۆڵی یەك لەدوای یەكی تۆمار كرد لەكۆتایدا یانەی بایرن میونشن یارییەكەی بەئەنجامی پێنج گۆڵ بەرامبەر گۆڵێك بردەوە و بە 52 خاڵ پێگەی خۆی لەپلەی یەكەمی ریزبەندی قایمتر كرد
لە تۆڕە کۆمەڵایەتیەکان شەیری بکە