.
08:40 PM - 20/07/2020
فراكسیۆنی یەكێتی لەئەنجوومەنی نوێنەرانی عیراق سەردانی وەزارەتی پێشمەرگە دەكات
شۆڕش ئیسماعیل وەزیری پێشمەرگە پێشوازیكرد لەوەفدێكی فراكسیۆنی ی.ن.ك لەئەنجوومەنی نوێنەرانی عیراق ، لەو دیدارەدا تاوتوێی چەند پرسێكی تایبەت بەپارێزگاكانی هەرێم و ناوچە دابڕێندراوەكان و دروستكردنی هەماهەنگی نێوان وەزارەتەكانی هەردوو حكومەتی عیراقی فیدراڵ و هەرێم كران.
دكتۆر جوان ئیحسان سەرۆكی فراكسیۆنی یەكێتی لەئەنجوومەنی نوێنەرانی عیراق لەبارەی سەردانەكەیان بۆ وەزارەتی پێشمەرگە رایگەیاند: دەیانەوێت ببنە پردی پەیوەندی نێوان وەزارەتەكانی هەردوو حكومەتی فیدرال و هەرێمی كوردستان لەپێناو هەماهەنگی و ئەنجامدانی كاری هاوبەش و خزمەتكردن و بەرژەوەندی كۆمەڵانی خەڵكی كوردستان.
لایخۆشیەوە شۆڕش ئیسماعیل وەزیری پێشمەرگە،ستایشی هەوڵ و هەنگاوەكانی نوێنەرانی كوردی كرد لەئەنجوومەنی نوێنەرانی عیراق لەبەرامبەر هەوڵەكانیان بۆ نزیك كردنەوەی هەرێم و بەغدا و چارەسەری پرسە هەڵپەسێردراوەكان و داواشی لە فراكسیۆنی یەكێتی كرد پەرە بە یەكریزی و یەكهەڵوێستی كورد بدەن لە ئەنجومەنی نوێنەرانی عیراق.
لە تۆڕە کۆمەڵایەتیەکان شەیری بکە