.
08:32 PM - 30/04/2024
بەبۆنەی (یەكی ئایار) رۆژی جیهانیی كرێكارانەوە، پیرۆزبایی گەرم لە سەرجەم كرێكاران و ڕەنجدەرانی بیروبازووی كوردستان دەكەین.
هەموو ساڵێك لەم رۆژەدا كرێكارانی جیهان لە پێناو بەدەستهێنان و پاراستنی زیاتری مافەكانیان بەچەندین چالاكی ئەم یادە بەرز رادەگرن ، لە كوردستانیشدا كرێكاران لە رێگەی رێكخراو سەندیكا پیشەییەكانیانەوە رۆڵی دیار و بەرچاویان هەبووە، لە سەردەمی دەسەلاتدارێتی رژێمی بەعسدا لەم پێناوەدا چەندین جار ڕووبەڕووی ڕاوەدونان و گرتن و ئازاردان و مەرگ بوونەتەوە .
كرێكاران ورەنجدەرانی بیروبازووی كوردستان لە خەباتی نەتەوەیی ولە نێو كاروانی بزوتنەوەی كوردایەتییدا پێشەنگ بوون وچەندین جوامێرییان گیانیان بەخشیوە.
یەكێتیی نیشتمانیی كوردستان لە پێناو پاراستنی مافە بەدەستهاتوەكان و دەستەبەری كۆمەڵایەتی ، رەخساندنی زیاتری هەلی كار و دابینكردنی سەلامەتی كاركردن هەمیشە پشتیوانی لە خەباتی سەندیكایی و پیشەیی كرێكاران دەكات و پێداگری دەكات بۆ چەسپاندنی بنەماكانی یاسای كاری هاوچەرخی كرێكاران لەعێراق و كوردستان ، لە پێناو باشكردنی ژیان و گوزەرانیان.
مەكتەبی سیاسی
یەكێتیی نیشتمانیی كوردستان
لە تۆڕە کۆمەڵایەتیەکان شەیری بکە