قائیمقامیەتی سلێمانی خواردەمەنی كەهرەمانەیان لە شەقامی سالم داخست، كە پابەند نەبووە بە مەرج‌و ڕێنماییە تەندروستی‌و ڤێتێرنەرییەكانەوە‌و مریشكی بە پەڕ‌و پاكنەكراوی برژاندوە‌و فرۆشتوویەتی بە هاوڵاتیان.راگەیاندنی قائیمقامیەتی سلێمانی بڵاویكردەوە: ئەمڕۆ لەكاتی سەردانی لیژنە هاوبەشەكانی قائیمقامیەت بۆ خواردەمەنی كەهرەمانە دەركەوتووە شوێنەكە بەهیچ جۆرێك پابەندی مەرجەكانی تەندروستی‌و ڤێتێرنەری نابێت‌و ئەو خواردەمەنیانەی پێشكەشی دەكات تەندروست نییە.هاوكات بەفەرمانی قائیمقامی سلێمانی خواردەمەنی كەهرەمانە داخرا و خاوەنەكەشی ڕووبەڕووی رێكاری یاسایی دەكرێتەوە.
