کەناڵی ئاسمانی گەلی کوردستان

  Live

هەواڵەکان

وەفدێكی باڵای پارتی سەردانی مەكتەبی سیاسی یەكێتی كرد

.

03:06 - 18/10/2021

وەفدێكی باڵای پارتی سەردانی مەكتەبی سیاسی یەكێتی كرد   

بۆ گفتوگۆكردن لە بارەی ئەنجامەكانی هەڵبژاردن و هەنگاوەكانی پێكهێنانی حكومەتی نوێی عیراق، وەفدێكی باڵای پارتی دیموكراتی كوردستان سەردانی مەكتەبی سیاسی یەكێتی نیشتیمانی كوردستانی لە سلێمانی كرد، لە كۆبوونەوەیەكدا گفتوگۆ لە بارەی دوایین پێشهات و گۆڕانكارییەكانی هەرێم و ناوچەكە و ئەنجامەكانی هەڵبژاردن و پرۆسەی سیاسی لە عیراق كرا.
دواتر لە كۆنگرەیەكی رۆژنامەنووسیدا كە بۆ هەریەكە لە ئەمین بابەشێخ وتەبێژی ی.ن.ك و مەحمود محەمەد وتەبێژی پ.د.ك رێكخرابوو، وردەكاری كۆبوونەوەكە خرایەڕوو.
سەبارەت بەكۆبوونەوەكە ئەمین بابەشێخ وتەبێژی ی.ن.ك رایگەیاند لە كۆبوونەوەكەدا گفتوگۆ لەبارەی هەڵبژاردن و هەنگاوەكانی پێكهێنانی حكومەتی عیراق كراوە، سەبارەت بە هەڵوێستی ی.ن.ك لەبارەی گفتوگۆكان ئەمین بابەشێخ رایگەیاند یەكێتی دەستپێشخەردەبێت بۆ دانوستاندنەكانی یەكڕیزی و یەكبەرنامەیی كورد لە بەغدا, تەئكیدیشیكردەوە بۆ بەدەستهێنانی مافە رەواكانی گەلەكەمان لە چوارچێوەی دەستووردا پێشوازی لە دەستپێشخەری لایەنە سیاسییەكان دەكەین، راشیگەیاند بەرنامەمان هەیە لەدوای راگەیاندنی ئەنجامی كۆتایی هەڵبژاردن دەست بە دانوستان و سەردانی لایەنەكان بكەین.
لای خۆیەوە مەحمود محەمەد وتەبێژی پ.د.ك رایگەیاند لە كۆبوونەوەكەدا گفتوگۆ لەبارەی هەڵبژاردن و هەنگاوەكانی پیكهێنانی حكومەتی عیراق كراوە، راشیگەیاند  سەردانی لایەنەكانی تری هەرێمی كوردستان دەكەن، ئاماژەی بەوەشكرد  بۆ رەوینەوەی نیگەرانییەكان بەپێویستیان زانیوە سەردانی لایەنەكان بكەن.

لە تۆڕە کۆمەڵایەتیەکان شەیری بکە

GK Sat Frequencies

NileSat:V:11636 - 27500

سەرەوە