.

10:51 PM - 22/09/2021

سینەسافییەكەی نەجارەكەی پارتی

 هەڵگورد جەلال

پارتی نە ئێستا و نە داهاتووش، چۆن هیچ ساتێك سڵی لە خیانەت و دەست تێكەڵكردن لەگەڵ نەیاران و دوژمنانی ئەم كوردستانە نەكردووە، بەهەمان شێوەش سڵی لەداننان و باسكردنی كلكایەتی و خیانەتەكەی نەكردووە، زەللەی زمانی (نەجار)ەكەی پارتی، دەرخەری ئەو راستییەیە، كە هەمیشە پارتی لەپشتەوە خەریكی جاشایەتی و پیلاندانان بووە دژ بەگەلی كورد و بۆتە مۆڵگەی حەشاردان و قوتاركردنی تاوانباران و دوژمنان، مانگێك لەمەوبەر ئەوە ئاشكرابوو كە (عیزەت دوری) تا ئەو كاتەی مرد، لەسایەی پارتیدا  لە هەولێر دەژیا و خۆی حەشاردابوو، ئەمێستاش ئەم (نەجار)ی خیانەت و كوردفرۆشییە، بەڵگەیەكی تری دابەدەستەوە، بەوەی پارتی باوەشی بۆ تاوانبارانی ئەنفال و كیمیابارانكردنی هەڵەبجە كردۆتەوە و بەشانازییەوە دەڵێت كە توانیویانە بۆچونیان بگۆڕن.
جابەس نەبوو، بۆچوونیانتان گۆڕی، گەر وانەبوایە، دەشێ لەرێگەی ئێوەی خاوەن ماڵیانەوە، جارێكی تر ئەنفالێكی تریان بەسەر ئەم گەلەدا بهێنایە