.
10:51 AM - 08/04/2021
وەزارەتی دەرەوەی ئەمریكا رایگەیاند: واشنتۆن ئامادەیە ئەو سزایانەی سەر ئێران لابەرێت، كە پەیوەندییان بە رێككەوتنی ئەتۆمییەوە نییە.
لەو بارەیەوە نێد پرایس وتەبێژی وەزارەتی دەرەوەی ئەمریكا لەكۆنفرانسێكی رۆژنامەوانیدا رایگەیاند: تیمی ئەمریكا لە ڤیەننا لە بارەی ئێرانەوە لەگەڵ هاوپەیمانە ئەوروپاییەكان و نوێنەرانی روسیا و چین گفتوگۆیان كردووە، ئەوەش هەنگاوێكی بەسوود و بنیاتنەرە بۆ ئەوەی هەردوولا بگەڕێنەوە بۆ پابەندبوون بە رێككەوتنەكەوە.
راشیگەیاند: وڵاتەكەی ئامادەكاریی كردووە بۆ لابردنی بەشێكی ئەو سزایانەی كە پەیوەندییان بە رێككەوتنی ئەتۆمییەوە نییە وەك هەنگاوێك بۆ دەستپێكردنی گفتوگۆكانیان لەگەڵ ئەو وڵاتە و پابەندبوونی هەردوولا بە رێككەوتنەكەوە.
وتەبێژی وەزارەتی دەرەوەی ئەمریكا ئەوەشی خستەڕوو: گفتوگۆی تایبەت بە پرسی ئەتۆمی ئێران لەبەر چەند هۆكارێك سەختە، یەكێك لە هۆكارەكان نەبوونی متمانەیە لە نێوان ئێران و ئەمریكادا.
لە تۆڕە کۆمەڵایەتیەکان شەیری بکە