لەگەڵ نزیكبوونەوەی ساڵی نوێی خوێندن، مامۆستایانی ئایینی لە قەزای خورماتوو هەڵمەتێكی هۆشیارییان بۆ پاراستنی شوناس‌و زمانی كوردی دەستپێكردووە و داوا لە هاووڵاتیان دەكەن منداڵەكانیان بخەنە بەر خوێندنی كوردی.
مامۆستایانی ئایینی دەڵێن، زمان و شوناس بەشێكی گرنگن لە پاراستنی رەسەنایەتی كۆمەڵگە و پێویستە دایك و باوكان لەو مەترسییە تێبگەن، بۆیە داواكارین لە سەرجەم هاووڵاتیان لە پێناو پاراستنی زمان و مێژووی خۆیاندا، منداڵەكانیان لە خوێندنگە كوردییەكان تۆمار بكەن.