.
02:54 PM - 11/06/2020
بەڕێوەبەرایەتی ئاسایشی سلێمانی لە راگەیەندراوێكدا دەستگیركردنی 10 تۆمەتباری بڵاوكردەوە و تێیدا ئاماژەی بۆ ئەوە كردووە: لەدرێژەی كارو چالاكیەكانی بەڕێوەبەرایەتی ئاسایشی پارێزگای سلێمانی بەمەبەستی پاراستنی سەر و ماڵی هاوڵاتیان و نەهێشتنی هەموو جۆرە تاوانێكی دزیكردن و كاری نایاسایی، هێزەكانیان توانیانە لەشەوی 10ی ئەم مانگە لەشاری سلێمانی، بەبڕیاری دادوەر و بەپێی ماددەی ( 446 ) لە یاسای سزادانی عیراقی، دە كەس دەستگیر بكەن كە هەستاون بە دزینی چەندین ماتۆڕسكیل لەجۆری سێ تایی و دوو تایی و كەلوپەلی ناوماڵ و هەندێكیان چەند جارێك لەسەر كاری دزیكردن دەستگیركراون و دوای لێكۆڵینەوە لەگەڵیاندا دانیان بەتاوانەكەیاندا ناوە و رووبەڕوی یاسا كراونەتەوە.
لە تۆڕە کۆمەڵایەتیەکان شەیری بکە