.
02:00 PM - 23/05/2020
بوروسیادۆرتمۆند بیر لە كڕینی ئیڤەرتۆنی بەڕازیلی دەكاتەوە
بەرپرسانی یانەی بوروسیادۆرتمۆندی ئەڵمانی هەوڵەكانیان بۆ كڕینی ئیڤەرتۆن سۆسای ئەستێرەی یانەی گریمیۆی بەڕازیلی چڕكردۆتەوە و لە پلانی ئەوەشدان دوا بەدوای كۆتایی هاتنی یارییەكانی ئەم وەرزە ئەو یاریزانە بهێننە یاریگای سیگناڵ ئیدونا پارك .
رۆژنامەكانی ئەڵمانیا ئاشكرایان كردووە : لە ماوەی چەند رۆژی رابردوودا بەرپرسانی یانەی بوروسیادۆرتمۆند لەگەڵ بەڕێوەبەری كارەكانی ئەو یاریزانە كۆبوونەتەوە ئەویش لە پێناو ئەوەی بتوانن لە هاوینی داهاتوودا گرێبەستێك لەگەڵ ئیڤەرتۆن ئیمزا بكەن و ریزەكانیان بەو یاریزانە بەهێز تر بكەن .
رۆژنامەكان باسیان لەوەش كردووە: هەرچەندە ئیدارەی یانەی گریمیۆ بڕیاریانداوە لە بەرامبەر بۆندێكی خەیاڵی و گرانبەهادا دەستبەرداری ئەو یاریزانەیان ببن بەڵام بەرپرسانی یانەی دۆرتمۆند دەیانەوێت بە بۆندێكی درێژخایەن و مووچەیەكی ساڵانەی زۆر رەزامەندی ئەو یاریزانە بە دەست بهێنن و ناوبراویش لای خۆیەوە فشار لەسەر یانەكەی دروست بكات تا لە میركاتۆی داهاتوودا دەستەبەرداری ببن و رێگەی پێ بدەن روو لە ریزەكانی ئەو یانە ئەڵمانیە بكات.
لە تۆڕە کۆمەڵایەتیەکان شەیری بکە