.

01:45 PM - 28/03/2023

 بەرپرسانی یانەی ریاڵ مەدریدی ئیسپانی بە شێوەیەكی رەسمی هاتۆتە سەر هێڵ تا لە ماوەی داهاتوودا گرێبەستێك لەگەڵ جود بیلینگهامی ئینگلیزی و ئەستێرەی یانەی بوروسادۆرتمۆندی ئەڵمانی ئیمزا بكەن و ناوبراویش لە میركاتۆی هاوینەی داهاتوودا ببەنە ریزەكانیان .
 تۆڕی هەواڵی سكای سپۆرت ئاشكرای كردووە : بەرپرسانی یانەی ریاڵ مەدرید بە شێوەیەكی رەسمی پەیوەندیان بە بەڕێوەبەری كارەكانی  بیلینگهامەوە  نكۆنكۆوە كردووە  ئەویش لە پێناو ئەوەی لە ماوەی داهاتوودا ناوبراو روو لە ریزەكانیان بكات  تۆڕی هەواڵی سكای  سپۆرت .
  ئاماژەی بەوەش كردووە : لە ماوەی چەند هەفتەی داهاتوودا بەرپرسانی میرینگی لە پێناو گواستنەوەی ئەو یاریزانە گفتوگۆكانیان لەگەڵ ئیدارەی  دۆرتمۆند  ئەنجام دەدەن و گرێبەستێكی گرانبەهایان پێشكەش دەكەن  بە پێی زانیارییە سەرەتاییەكانیش ئەو گرێبەستەی ریاڵ مەدرید زیاترە لە 140 ملیۆن یۆرۆ   ئەویش بە هیوای ئەوەی بتوانن بۆندی ئەو یاریزانە بە سوودی خۆیان یەكلایی بكەنەوە و بیكەنە یەكێك لە گرنگترین گرێبەستەكانیان .
 هەروەها بە پێی زانیارییەكانی تۆڕی هەواڵی سكای سپۆرت : بەرپرسانی یانە مەدریدیەكە لە گواستنەوەی  جود بیلینگهامی تەمەن 19 ساڵ دووچاری ئاستەنگیەكی زۆر دەبنەوە  بە تایبەتی لە كاتێكدا كە ئەو یاریزانە لەلایەن زیاتر لە یانەیەكی زلهێزی ئەوروپا كراوەتە ئامانج.